ज्योतिषमा काल सर्पायोग एक परिचय

ज्योतिषमा काल सर्पायोग एक परिचय

अग्रे राहुराधा केतु सर्वे मध्यगता ग्रहा ।
योगायम कालसर्पाख्यो शीघ्रम तम तु विनाशय ।
अगाडी राहु पछाडी केतु बिचमा सम्पूर्ण (सातै) ग्रह विद्यमान हुन गए भने त्यस्तो प्रकारको योगलाइ कालसर्प योग भनिन्छ। अत यस्तो प्रकारको योगबाट ग्रसित व्यक्तिलाइ काल सर्प योग को निदान गर्नु अति आवश्यक छ। जसले गर्दा कुंडलीबाट प्राप्त हुने शुभ योगको फल पूर्णयता मिलीरहनेछ।

द्वादश भावमा राहु को स्थिति अनुसार काल सर्प योग पनि मुख्यत द्वादश प्रकारकै हुनेछन। उनिहरू यसप्रकार छन्-
1. अनंत, 2. कुलिक, 3. वासुकि, 4 शङ्खपाल, 5. पद्म , 6. महापद्म , 7. तक्षक, 8. कर्कोटक, 9. शङ्खचूड, 10. घातक, 11. विषधर, 12. शेषनाग।

कालसर्प योग उदित अनुदित भेद गरि दुई प्रकार का हुन्छन राहु को मुखमा सम्पूर्ण सातै ग्रह ग्रसित हुन गए भने उदित गोला नामक योग बन्दछ भने राहु को पृष्ठमा यदि सम्पूर्ण ग्रह छन भने अनुदितन गोला नामक योग बन्दछ।
यदि लग्न कुंडलीमा सम्पूर्ण सातै ग्रह राहु र केतु को बिचमा छन् तर अंशानुसार केहि ग्रह राहु र केतु को बिचवाट बाहिर छन भने त्यसलाइ आंशिक काल सर्पयोग भनिन्छ। यदि कुनै एक ग्रह राहु- केतु को बिचवाट बाहिर छ भने त्यसलाइ पनि आंशिक काल सर्प योग भनिन्छ।

यदि राहु बाट केतुको बिचमा सम्पूर्ण ग्रहहरू अबस्थित रहन गए भने यो योग पूर्ण रूपबाट फलित हुनेछ। यदि राहु-केतुको साथमा सूर्य या चंद्रमा पनि छ भनेे यो योग धेरै प्रभावशाली हुनजानेछ। यदि राहु, सूर्य तथा चंद्रमा तीनै ग्रह एकै साथ रहन गए भने ग्रहणकाल सर्प योग बन्दछ। यसको फल हजार गुना धेरै हुन जान्छ। यदि यस्तोयोग पर्नगएमा जातकले काल सर्प योगको शांति गर्नु अति आवश्यक हुनेछ।

काल सर्प योग को प्रभाव

यस्तो प्रकारको योगले मानसिकरूपमा अशांति, धनप्राप्ति मा बाधा, संतान अवरोध एवं गृहस्थीमा प्रतिपल कलहको रूपमा प्रकट हुनेछ। प्राय तपाइलाइ खराव स्वप्नहरू आइरहन्छन । केहि न केहि अशुभ हुन्छकी भन्ने आशंका मनमा बनी रहन्छ। तपाइलाइ आफ्नोे क्षमता एवं कार्यकुशलताबाट पूर्ण फल प्राप्त हुनेछैन, गरेको कार्य प्रायश ढिला मात्र सफल हुनेछ। अचानक नोक्सान एवं प्रतिष्ठामा क्षति यस्तो प्रकारको योगको विशेष लक्षण हो।

तपाइको शरीरमा वात पित्त त्रिदोषजन्य असाध्य रोग अकारण उत्पन्न हुनेछ। यस्तो रोगले तपाइलाइ प्रतिदिन क्लेश (पीडा) दिइरहन्छ तथा औषधि उपचारले पनि काम नगर्न सक्छ, यदि यस्तो देखियो भने काल सर्प योगको कारण मान्नुपर्दछ।
काल सर्प योगको औपचारिक उपाय द्वारा इनी कष्टहरूबाट राहत एवं छुटकारा प्राप्त गर्न सकिन्छ। जन्मपत्रिका अनुसार जब-जब राहु एवं केतुको महादशा, अंतर्दशा आदि आउदछ तब तब यो योगको असर देखिन थाल्दछ। गोचरमा राहु तथा केतुको जन्मकालिक राहु-केतु तथा चंद्रमामा भ्रमण गर्दा पनि यो योगको सक्रिय असर देखिन्छ। त्यो समयमा विशेष ध्यान दिएर विश्वासकेा साथ श्रद्धा गरेर पूजा अर्चनादि कार्य गरेमा अवश्य लाभ प्राप्त हुनेछ। योग्य ज्योतिषी द्वारा सुझाएको कालसर्प योग यंत्रको सम्मुख 43 दिन सम्म तोरिको तेलको दीयो जलाउनाले इनी सबै कष्टबाट राहत एवं छुटकारा प्राप्त गर्न सकिन्छ।